Devolución da repartición das axudas da Administración á apicultura para o ano 2023
Este ano a Asociación Galega de Apicultura recibiu no mes de outubro a subvención correspondente ao Plan Apícola 2023, polo que prodecederemos ao longo deste mes de novembro ás correspondentes devolucións.
As porcentaxes que a Xunta subvencionou son as seguintes nas correspondentes liñas:
- Tratamento convencional: 90 % da base impoñible, ata un máximo de 2,50 € por colmea.
- Tratamento ecolóxico: 100 % da base impoñible, ata un máximo de 5 € por colmea.
- Alimento: 80% da base impoñible, ata un máximo de 6 € por colmea.
- Cera: 20,50 % da base impoñible, por esgotamento do crédito.
- Os fondos sanitarios nicot e o pack velutina non se subvencionan por esgotamento de crédito.
Rógaselles que aos que non pasastes o número de conta bancaria que, por favor, nolo indiquen co fin de non atrasar as devolucións.