BAGA

A Biblioteca Apícola Galega- BAGA

Nas instalacións de AGA en Arzúa contamos cunha biblioteca que se foi elaborando ao longo de corenta anos con publicacións de distintos países do mundo e coas publicacións propias da nosa Asociación. Pouco a pouco, as persoas asociadas van deixando alí publicacións que por distintas causas son doadas á BAGA.

Un dos nosos futuros proxectos vai ser escribir a historia de AGA, e temos as mellores ferramentas nesta biblioteca. Aquí está a historia viva da nosa organización. Seguramente será a mellor biblioteca de todo o Estado Español. Esta é visitada por peregrinos que fan o Camiño de Santiago e que moitas veces atopan publicacións no seu propio idioma, e nótase que lles agrada grandemente.